အမေရိကန် အခြေစိုက် ဆော့ဖ်ဝဲ နည်းပညာ အဖွဲ့အစည်း Oracle ၏ အမှုဆောင်
အရာရှိ ချုပ်နှင့် တည်ထောင်သူ ဖြစ်သည့် ဘီလျံနာ သူဋ္ဌေးကြီး လာရီအယ်လီဆန်သည်
ဟာဝါအီ ကျွန်းများတွင် ဆဋ္ဌမမြောက် အကြီးဆုံးဖြစ်သည့် Lanai ၏ ၉၈
ရာခိုင်နှုန်းကို ဝယ်ယူခဲ့ပြီဖြစ်ကြောင်း ပြည်နယ် အစိုးရအဖွဲ့က ပြီးခဲ့သည့်
ဗုဒ္ဓဟူးနေ့တွင် သတင်းထုတ်ပြန်ခဲ့သည်။ လာရီအယ်လီဆန်သည် ကမ္ဘာပ်ါတွင်
ဆဋ္ဌမမြောက် အချမ်းသာဆုံး သန်းကြွယ်သူဋ္ဌေး ဖြစ်သည့်အတွက် ဟာဝါအီ ကျွန်းများတွင်
ဆဋ္ဌမမြောက် အကြီးဆုံးဖြစ်သည့် Lanai ကို ဝယ်ယူခဲ့ခြင်းမှာ စိတ်ဝင်စားစရာ
ကောင်းနေပြီး ဝယ်ယူသည့် ဈေးနှုန်းကို အတိအကျ ထုတ်ပြန်ထားခြင်း မရှိသော်
လည်း ပြည်တွင်း မီဒီယာ များ၏ ဖော်ပြမှုတွင် ဒေါ်လာ သန်း ၅၀၀ မှ သန်း ၆၀၀
အတွင်း သိရသည်။ဟာဝါအီကျွန်း၏ အကြီးအကဲဖြစ်သူ Neil Abercrombie က “ကျွန်တော်
နားလည်ထားတာကတော့ မစ္စတာအယ်လ်ဆီဆန်ဟာ Lanai ကျွန်းလေးကို စိတ်ဝင်စားနေတာ
တော်တော် ကြာနေပါပြီ။ သူရဲ့ ဝါသနာအရလည်း သဘာဝ ပတ်ဝန်းကျင်နဲ့ ရေပြင်ကျယ်ကြီးတွေကို နှစ်သက်တာကြောင့် ဒီကျွန်းကို ဝယ်ယူခဲ့တာလို့ ထင်ပါတယ်” ဟု ပြောကြားခဲ့သည်။ ၂၀၁၂ ခုနှစ် တိုင်းတာမှုများအရ လာရီအယ်လ်လီဆန်သည် အမေရိကန်နိုင်ငံ၏ တတိယမြောက် အချမ်းသာဆုံးပုဂ္ဂိုလ် ဖြစ်ပြီး ၎င်းဝယ်ယူလိုက်သည့် Lanai ကျွန်းမှာ ဂေါက်ကွင်းများ၊ အပန်းဖြေစခန်းများ၊ ဇိမ်ခံအိမ်ကြီးများနှင့် စည်ကားသည့် ကျွန်းကြီးတစ်ကျွန်းလည်း ဖြစ်သည်။ အယ်လီဆန်၏ ကြွယ်ဝမှုမှာ ဒေါ်လာ ၃၆ ဘီလျံဖြစ်ပြီး အသက် ၆၇ နှစ်အရွယ် ရှိပြီဖြစ်သည်။ Lanai ကျွန်း၏ အကျယ်မှာ ၁၄၁ စတုရန်းမိုင် ရှိပြီး ကမ္ဘာ့အဆင့်ရှိ ဂေါက်ကွင်းများက ဂေါက်ရိုက် ဝါသနာကြီးသူ အယ်လီဆန်အတွက် စိတ်ကျေနပ်စရာ ဖြစ်သည်။ဆက်စပ် ဖော်ပြမှုများအရ Microsoft ကုမ္ပဏီ၏ ပိုင်ရှင် ဘီလျံနာတစ်ဦးဖြစ်သူ ဘီလ်ဂိတ်သည် ၁၉၉၄ ခုနှစ်က ကျင်းပပြုလုပ်ခဲ့သည့် သူ၏ မင်္ဂလာပွဲတွင် Lanai ကျွန်းမှ ဟိုတယ်အခန်းများ အားလုံးကို မှာယူခဲ့ကြောင်း သိရသည်။
ပြည်မြန်မာ
Posted in: နိုင်ငံတကာသတင်း
0 comments:
Post a Comment